Dhuaan ban gayi main!

Koi badnaseeb aisa bhi hota hai jise pyar karne ki hi sazaa milti hai Usi se jisko bepanah chahe woh   Pyar sirf ek lafz nahin Woh ehsaas hai jo mar kar bhi Nahin jaata Pyar rooh ki gehrai tak chala jaata hai Pyar hi hai jo jism ke khatam hone par bhi zinda rehta hai      Kiya kya kasoor jo zindagi dekar bhi chain na mila Dushamani ki sazaa mile to samajh aaye Kissi ko itna chaho aur mile sazza , dil ko kon samjhaye      Sukhe paatton si main..har pal char char kuchal jaye mujhe Dil ki tadap tere pyar ke liye khaakh banaye mujhe Bahein felakar fir pukara hai tujhe Kya meri awaaz ka ehsaas hai tujhe Mere paas nahin hai tu Par kyon har pal paas paya tujhe      Mar chuki main par dard nahin jaata Saaya bhi mujhse juda hai     Par tera pyar juda nahin ho paata Har lamha teri bahon mai aane ko tarasti hoon Ek pal teri chahon main jeene ko tarasti hoon      Tere bina mera aaj har lamha tham gaya Thand ka yeh sirhana aansoon main jam gaya Dhuan ban gayi  main teri chahat main Meri chahton se nafrat kyon tu kar gaya Sundarta Jism ki poojta hai ye insaan Khuda to dil main basa hai Ye woh kaise bhool gaya       Raakh meri udati hogi tere ghar ke saamne Tujhe bhi toh kabhi lagta hoga koi choo kar gaya Andheri hai ye duniya bahut Pyar ka deep jala do Tadapti hoon tujhse milne ko ab bhi Kahin se ab toh mujhe awaaz do     Chita jal chuki meri raakh ho gayi main Par rooh ab tak jalti hai tere intezaar main…..

Broken

Picture Courtsey bloodygrave.deviantart.com